İqtisadi İslahatların Təhlili və Kommunikasiya Mərkəzinin (İİTKM) Türk Dövlətləri Təşkilatının (TDT) katibliyi ilə birgə hazırladığı “Türk dövlətləri iqtisadiyyatı” kitabının daha bir təqdimatı Macarıstanın paytaxtı Budapeşt şəhərində keçirilib.

Mərkəzdən verilən məlumata görə, TDT-nin Macarıstan nümayəndəliyinin təşkilatçılığı və Azərbaycan Respublikası­nın Macarıstandakı səfirliyinin dəstəyi ilə reallaşan tədbirdə İİTKM-in Türk Dünyası Araşdırmalar Mərkəzinin (TDAM) rəhbəri Ayhan Satıcı qonaqlara kitab haqqında ətraflı məlumat verib.

Tədbirdə Azərbaycan Respublikası­nın Macarıstandakı fövqəladə və səlahiy­yətli səfiri Tahir Tağızadə, Türk dünyası ölkələrinin diplomatik korpus təmsilçiləri, Macarıstan Xarici İşlər Nazirliyinin Mərkə­zi Asiya və Cənubi Qafqaz üzrə nümayən­dəsi, Macarıstan Beynəlxalq Münasibət­lər İnstitutunun elmi işçiləri, Metropolitan Universitetinin nümayəndələri və Maca­rıstan “Daily News” xəbər agentliyinin jur­nalistləri iştirak ediblər.

TDAM-ın rəhbəri A.Satıcı “Türk döv­lətləri iqtisadiyyatı” kitabının 7 ölkədən 35-dən çox müəllifin iştirakı ilə hazırlan­dığını, TDT-nin Macarıstan nümayəndə­liyinin rəhbəri Talaibek Kydyrov isə kita­bın türk dünyası üçün yeni bir yol xəritəsi olduğunu və növbəti birgə araşdırmalara stimul verdiyini bildirib.

XQ