Xarici mediada yayılan məlumata görə, Qa­zaxıstanın Astana şəhərində keçirilən Beynəlxalq Nəqliyyat və Logistika Forumunda Orta Dəhli­zin (Transxəzər Beynəlxalq Nəqliyyat Marşrutu) inkişaf etdirilməsi müzakirə olunub. Tədbirdə nəqliyyat sistemlərinin inteqrasiyası, multimodal daşımalar sahəsində yeni texnologiyaların və in­novasiyaların tətbiqi, yükdaşımaların səmərəlili­yinin artırılması və təchizat şəraitinin yaxşılaşdı­rılması məsələləri nəzərdən keçirilib. 

Forum çərçivəsində Mərkəzi Asiyanın ən bö­yük nəqliyyat, logistika xidmətləri və texnologiyaları sərgisi də reallaşıb. Sərgidə Qazaxıstanla yanaşı, Azərbaycan, Türkiyə, Türkmənistan, Özbəkistan, Qırğızıstan, Tacikistan, Gürcüstan, Rusiya, Bela­rus, Monteneqro, Latviya, Çin və Cənubi Koreyadan 90-dan çox şirkətin xidmət, avadanlıq və texnologiya­ları nümayiş etdirilib. 

Xatırladaq ki, Orta Dəhliz 2014-cü ilin fevral ayında Azərbaycan, Qazaxıstan və Gürcüstanın mü­vafiq strukturlarının iştirakı ilə yaradılıb. Sonradan layihəyə Ukrayna, Rumıniya və Polşa qoşulub. Ha­zırda marşrut Çin–Qazaxıstan sərhədindən başlayır və Qazaxıstan, Xəzər dənizi, Azərbaycan və Gür­cüstan ərazisindən keçərək Avropaya qədər uzanır. Bütün marşrut boyunca vahid tarif yaradılıb, “vahid pəncərə” prinsipi tətbiq olunur.

XQ