Bu xidmətdən daxilolmalar 33,5 milyon manata çatıb
Cari ilin yanvar-iyul aylarında Azərbaycanda avtomobillərin icbari sığortası üzrə yığımlar 7 ayda 92 milyon 644 min manata çatıb.
Mərkəzi Bankdan verilən məlumata görə, bu göstərici ötən ilin müvafiq dövrü ilə müqayisədə 56,6 faiz və ya 33 milyon 494 min manat çoxdur. Xatırladaq ki, 2022-ci ilin yanvar-iyul aylarında avtomobillərin icbari sığortası üzrə 59 milyon 149 min manat vəsait toplanılmışdı.
Yanvar-iyul aylarında avtomobillərin icbari sığortası üzrə ödənişlərin həcmi 56 milyon 655 min manat olub ki, bu da ötən ilin eyni dövrünə nisbətən 11,4 faiz və ya 5 milyon 810 min manat çoxdur. Yeri gəlmişkən, ötən ilin yanvar-iyul aylarında bu sığorta növü üzrə ödənişlərin həcmi 50 milyon 845 min manat olub.
“Xalq qəzeti”
.png)
