Azərbaycan İqtisadiyyat Nazirliyi yanında İqtisadi Zonaların İnkişafı Agentliyinin məlumatına əsasən, həmin vəsait 19 rezident və 6 qeyri-rezident tərəfindən ayrılacaq. Həmçinin parkda 25 subyekt tərəfindən 1,7 min iş yeri açılacaq.
Ağdam Sənaye Parkında qeydə alınan rezidentlər tərəfindən inşa edilən ilk müəssisənin bu il fəaliyyətə başlaması gözlənilir. Bununla da Azərbaycanın işğaldan azad olunan ərazilərində böyük sənaye istehsalı bərpa ediləcək. Sənaye parkında qeydə alınan rezidentlərın çoxu artıq tikinti işlərinə başlayıb.
İqtisadi Zonaların İnkişafı Agentliyinin məlumatında bildirilir ki, ümumi ərazisi 190 hektar olacaq sənaye parkının qurulması iki mərhələdə nəzərdə tutulub. Artıq əsas işlər birinci mərhələdə tamamlanmaq üzrədir. Hazırda sənaye parkında 17 rezident və 5 qeyri-rezident qeydiyyatdan keçib. Burada istehsal olunan məhsullar işğalçıdan təmizlənən rayonların əksəriyyətində aparılacaq tikinti-quraşdırma işlərində istifadə ediləcək, eyni zamanda, digər rayonlara göndəriləcək, həm də xaricə ixrac olunacaq.
Parkın prioritet sahələri tikinti materiallarının istehsalı, qida sənayesi, kənd təsərrüfatı məhsullarının emalı, gübrə istehsalıdır. Bir sıra layihələr dəyərləndirmə mərhələsindədir, qiymətləndirmə komissiyası tərəfindən nəzərdən keçirilir. Bu müəssisələr həm də bərpadan sonra şəhərə qayıdacaq sakinlərin işlə təmin olunmasında böyük rol oynayacaq.
“Xalq qəzeti”