Cari ilin yanvar–iyun aylarında Azərbaycan təbii qazını Avropaya nəql edən Trans-Adriatik Boru Kəməri (TAP) vasitəsilə 6,3 milyard kubmetr həcmində “mavi yanacaq” ötürülüb.
TAPAG konsorsiumunun məlumatına görə, bunun 5 milyard kubmetri İtaliyaya, 0,4 milyard kubmetri Yunanıstana və təxminən 0,8 milyard kubmetri Bolqarıstana daşınıb.
Ümumilikdə isə, 2020-ci ilin dekabrın 31-dən indiyədək TAP vasitəsilə 25,8 milyard kubmetr qaz nəql edilib. Bunun 1,22 milyard kubmetri Bolqarıstana, 2,8 milyard kubmetri Yunanıstana, 21,6 milyard kubmetri isə İtaliyaya göndərilib.
Qeyd edək ki, hazırda kəmərin illik ötürücülük qabiliyyəti 12 milyard kubmetr qaz təşkil edir. Azərbaycanla Avropa İttifaqı arasında imzalanmış sazişə əsasən isə, yaxın 5 ildə Avropaya qaz nəqli 20 milyard kubmetrə çatdırılacaq.
“Xalq qəzeti”