Qarabağ və Şərqi Zəngəzur iqtisadi rayonlarında 80 investisiya layihəsi həyata keçirilir. Azərbaycan Sahibkarlar (İşəgötürənlər) Təşkilatları Milli Konfederasiyasından aldığımız məlumata görə, bu layihələr, əsasən, sənaye, kənd təsərrüfatı, ticarət və xidmət sektorlarını əhatə edir.
Bildirilib ki, Qarabağ və Şərqi Zəngəzur böyük iqtisadi potensiala malikdir. Xüsusən də bioloji təmiz kənd təsərrüfatı məhsullarının yetişdirilməsi, mədən sənayesi, turizm potensialına görə unikal ərazilər hesab edilir. Azərbaycan Prezidentinin müvafiq sərəncamı çərçivəsində düşməndən təmizlənən torpaqlarda fəaliyyət göstərən iş adamlarının maliyyə resurslarına çıxış imkanlarının genişləndirilməsi, vergi, sosial sığorta, kommunal xidmətlər və digər güzəştlərin tətbiqi diqqətdə saxlanılır.
“Xalq qəzeti”