Azərbaycan Mərkəzi Bankının (AMB) baş direktoru Ziya Əliyev “Sığorta mübahisələrinin uğurlu həlli yolu” adlı konfransda cari il sığorta bazarının həcminin 1,2-1,3 milyard manata çatacağının gözlənildiyini bildirib.
Baş direktor 2019-cu ildə respublikada 650 milyon manat sığorta ödənişinin toplanıldığını, 2023-cü ilə bu rəqəmin 1,2-1,3 milyard manat olacağını, bununla da son 4 il ərzində sığorta bazarının, təqribən, 2 dəfə genişlənəcəyini vurğulayıb.
Xatırladaq ki, 2022-ci ildə Azərbaycanda sığorta şirkətləri 970 milyon 822 manatdan yuxarı sığorta haqqı toplayıb, ödənişlər isə 433 milyon 202 manat təşkil edib.
“Xalq qəzeti”