Cari ilin yanvar-may aylarında Şimal–Cənub nəqliyyat dəhlizinin Azərbaycan ərazisindən keçən hissəsindən 317 min tona yaxın yük daşınıb. Bu da əvvəlki ilin müvafiq dövrü ilə müqayisədə 3 dəfə çoxdur.
“Azərbaycan Dəmir Yolları” Qapalı Səhmdar Cəmiyyətindən verilən məlumata görə, Sumqayıt–Yalama stansiyasında yol təsərrüfatı yeniləndikdən, sürət həddi artdıqdan sonra daha çox müştəri cəlb olunacaq. Bu isə Şimal–Cənub nəqliyyat dəhlizi ilə daşınan yüklərin həcminin bir qədər də artmasına səbəb olacaq.
“Xalq qəzeti”