Azərbaycan komandası İtaliyanın Riççione şəhərində batut gimnastikası üzrə keçirilən Dünya kuboku yarışında iştirak edirlər.
Turnir sinxron tullanışlar üzrə qarışıq cütlərin çıxışı ilə başlayıb. Gimnastlarımız Selcan Mahsudova və Əli Niftəliyev təsnifat mərhələsində dördüncü yeri tutublar. Onlar 46.070 xal toplayaraq finala yüksəliblər. Mahsudova və Niftəliyev fərdi yarışlarda da mübarizə aparacaqlar.
Qeyd edək ki, Dünya kubokunun Bakıda keçirilən birinci mərhələsində idmançılarımız sinxron tullanışlarda bürünc medal qazanıblar.
Leyla QURBANOVA
XQ
