“Şahdağ” Turizm Kompleksində Xizək Alpinizmi üzrə Dünya Kuboku başlayıb.
Yarışın ilk günündə idmançılar sprint növü üzrə mübarizə aparıblar. Azərbaycanı turnirdə Nəzrin Qəribova və Seyid Sədrəddinov təmsil edirlər.
Dünya Kubokunda Fərdi Neytral İdmançılar (AİN) olmaqla, 26 ölkədən 130-a yaxın idmançı qüvvəsini sınayır. Atletlər yanvarın 11-də vertikal və 13-də isə individual növlər üzrə güclərini yoxlayacaqlar.
Yanvarın 13-dək davam edəcək yarış 2026-cı ildə keçiriləcək Qış Olimpiya Oyunlarına lisenziya qazanmaq üçün kvalifikasiya yarışlarından biri hesab edilir.
L.QURBANOVA
XQ
