Qazaxıstanın paytaxtı Astanada sərbəst güləş üzrə “Güləş ulduzları liqası”nda Azərbaycan güləşçisi uğurla çıxış edib.
Azərbaycan Güləş Federasiyasından verilən məlumata görə, turnirdə Ağanəzər Novruzov (74 kq) bütün rəqiblərinə qalib gələrək fəxri kürsünün ən yüksək pilləsinə qalxıb.
Həmyerlimiz əvvəlcə qazaxıstanlı Kanat Mussabekovu 3:1 hesabı ilə məğlub edib. Novruzov daha sonra rusiyalı Anzor Zakuyevi üstələyib - 2:1. Ağanəzər finalda isə özbəkistanlı Mirzo Xaitova 4:1 hesabı ilə qalib gəlib.
L.QURBANOVA
XQ
.jpg)
