Cəmi bir neçə gün əvvəl qapalı, ləng oyun, minimum zərbələr və son dərəcə ehtiyatlı taktika ilə Fransa–İngiltərə finalının baş verə biləcəyindən qəzəblə danışırdıq. Ancaq antifutbol məğlub oldu: İspaniya ölüm qrupunda üstünlük təşkil etdi, Almaniyanı turnirdən kənarlaşdırdı və Fransanı məğlub edən yeganə komanda oldu. “Furiya Roho” həm də sübut etdi ki, böyük yarışlarda keyfiyyəti itirmədən nəticə əldə etmək olar. Avro-2024-də ən parlaq komandaların finalında iştirak etməsi adrenalin gətirən gərgin futbol tamaşası, əyləncə, sürət və taktiki təxribata təminatdır. 

Bu, Fransaya qarşı mükəm­məl işlədi: Didye Deşamın komandası Avroda oyunun ilk qolunu tez vurdu, dərhal iki qol buraxdı və qalan vaxtda hücuma keçmək məcburiyyətində qaldı. Bu yenilənmiş İngiltərəyə qarşı işləyəcəkmi?

Hətta çərşənbə axşamı belə tam bir hiss var idi ki, istənilən halda de la Fuentenin dəstəsi finalın aşkar favoritidir. Amma indi tamamilə fərqli bir İn­giltərə gördük. Hollandiyanı öz yarısından sıxışdırıb topsuz qaçmağa məcbur edir, nəhayət, öz heyətinin potensialını, mak­simum olmasa da, ortaya qoyur və oyunda son nöqtəni qoyur.

Niyə əvvəllər belə ola bil­mədilər, bu, Sautgeytin əsas sirridir. Avro –2024-ü qazansa­lar, onda bunu heç kim xatırla­mayacaq. Ən çox tənqid olunan Avropa komandasının tarixi qələbəsinə bir addım qalıb. Elə­cə də yaxın tarixin ən parlaq İs­paniyası, heyətində 16 yaşlı Ya­mal, ağıllı Olmo, reaktiv Niko Uilyams, eləcə də təcrübəli Karvaxal və 38 yaşında gənc və sürətli Mbappeni neytrallaşdır­mağı bacaran Xesus Navasla.

Bizi, həqiqətən Avro-2024-ün tarixinə düşəcək çox möhtəşəm final gözləyir. Bu haqda maraqlı şərhlərlə çıxış edən “Marca” yazır: “Bu, ən yaxşı oynayan komandalardan uzaq bir komandadır. İngiltərə 90 dəqiqə ərzində keçirdiyi 6 matçdan yalnız birində qalib gəlib. Son oyunda da Uotkinsin qolu 91-ci dəqiqədə vuruldu və hamıdan daha çox layiq olduğu tənqidə məruz qaldı... Amma İngiltərə ardıcıl ikinci ildir ki, Avropa çempionatının finalın­dadır. Bir gün Bellinqhemin aşırma zərbəsi, bir gün penal­ti, üçüncü gün isə növbəti geri dönüş... Sautqeyt demək olar ki, həmişə çətin anlar yaşayır. Amma onların ulduzları var. Budur, İspaniyanı nə gözlədiyi barədə ona əvvəlcədən xəbər­darlıq edilir”.

Belə pafoslu bəyanat verərkən yaxın tarixə də bir nəzər salmaq lazımdır. Axı, Avronun son finalında İngiltərə penaltilər seriyasında İtaliyaya məğlub olmuşdu. Amma İs­paniya ilə İngiltərə arasındakı tarixi balans ingilislərin xey­rinədir. Komandalar 27 dəfə qarşılaşıblar. İspaniya 10 dəfə qələbə qazanıb, İngiltərənin 13 qələbəsi var. Qalan görüşlər heç-heçə ilə başa çatıb. Həmin 27 matçdan 19-u yoldaşlıq gö­rüşü, ikisi Dünya Kuboku, dör­dü Avro, ikisi isə Millətlər Liqa­sında olub.

İspaniya 4 dəfə Avropa çempionatını qazanan ilk ko­manda olmaq istəyir. İngiltərə isə ilk titulunu gözləyir. Hökm bazar günü Berlində çıxarıla­caq.