Azərbaycanın uşu kunq-fu komandası Avropa çempionatında uğurla çıxış edib.
Türkiyənin İstanbul şəhərində keçirilən yarışda yığmamız 2-si qızıl, 3-ü gümüş, 4-ü isə bürünc olmaqla 9 medal qazanıb. Kişilər arasında komandamızın üzvlərindən Elçin Eminov bütün rəqiblərini məğlub edərək qalib adını qazanıb. Bununla da o, altıqat Avropa çempionu olub. Komandamızın aktivinə digər qızıl medalı bütün rəqiblərinə qalib gələn Həmzə Rəsulzadə yazdırıb. Yabir Şıxəliyev isə bürünc medal alıb.
Gənclər arasında light sanda üzrə Hüseyn Qəmbərov, Elçin Quliyev gümüş, Şəfa Məmmədli bürünc, sanda üzrə Kişi Şükürov gümüş, Elçin Muradov, Nurlan Zeynalzadə bürünc medallar qazanıblar.
Leyla SABİRQIZI
XQ