Azərbaycan Güləş Federasiyasının (AGF) təşkilatçılığı ilə məşqçilərin ümumrespublika seminarı çərçivəsində növbəti tədbir Göyçayda keçirilib. 

Seminarda Azər­baycan Dövlət Bə­dən Tərbiyəsi və İdman Akademiya­sının (ASAPES) baş müəllimi Mehman Nəcəfov məşqlərin bölgüsündən danı­şıb, taktiki hazırlıq məsələlərinə ay­dınlıq gətirib. U-20 milli komandanın yunan-Roma güləşi üzrə böyük məşqçi­si Nurəddin Rəcə­bov diqqəti fiziki hazırlıq üzrə məşqlərə və texnika üzərində çalışmalara istiqamətləndirib. O deyib ki, güləşçilərin vitaminlər və müxtəlif dərmanlardan istifadəsinə nəzarət gücləndirilməlidir. Sərbəst güləş üzrə U-17 milli komandanın məşqçisi Vahid Məmmədov isə fəndlərin mükəmməl icrası üçün məşqlərdə elementləri dəfələrlə təkrarlamaq lazım olduğunu bildirib. 

“London-2012”nin bürünc medalçısı, yunan-Ro­ma güləşi üzrə U-20 milli komandanın məşqçi­si Emin Əhmədov Seminarın praktiki hissəsində funksional hazırlığın önəmini vurğulayıb.n I-S ka­teqoriyalı hakim Sədi Quliyev isə xalçadan kənara çıxarkən edilən fəndlərin qiymətləndirilməsindən, parter, rəqibi bloklama qaydalarından bəhs edib. 

Seminarda AGF-nin nümayəndələri məşqçilərin suallarını cavablandırıblar. Tədbirdə irad və təkliflər müzakirə olunub. Sonda tədbir iştirakçılarına serti­fikatlar təqdim edilib.

Leyla SABİRQIZI 
XQ