Avropa çempionatının seçmə mərhələsində 21 yaşadək futbolçulardan ibarət Azərbaycan komandası növbəti matçını keçirib.
F qrupunda yer alan millimiz Lüksemburqla üz-üzə gəlib.
“Azərsun Arena”da keçirilən qarşılaşma Azərbaycan komandasının 3:2 hesablı qələbəsi ilə yekunlaşıb. Avtoqlun qeydə alındığı oyunda komandamızın digər qollarını 41-ci dəqiqədə penaltidən Nəriman Axundzadə və 90+1-ci dəqiqədə Ağadadaş Salyanski vurub.
Görüşü moldovalı Dumitri Muntean idarə edib.
Xatırladaq ki, U-21 millimiz ilk iki oyunda – səfərdə Serbiyaya 0:2, evdə isə Şimali İrlandiyaya 0:1 hesabı ilə məğlub olub.
Leyla SABİRQIZI
XQ