“Qarabağ” UEFA Avropa Liqasının qrup mərhələsində mübarizəyə start verib.
H qrupunda yer alan Azərbaycan çempionu ilk oyununda Norveç klubu “Molde” ilə qarşılaşıb. Tofiq Bəhramov adına Respublika Stadionunda keçirilən qarşılaşmanın 56-cı dəqiqəsində komandamızın heyətində Leandro Andrade fərqlənib - 1:0. Bu qol həm də matçın taleyini həll edib. Beləliklə, oyun “Qarabağ”ın xeyrinə 1:0 hesabı ilə başa çatıb.
Qarşılaşmanı şotlandiyalı hakim Con Biton idarə edib.
Qeyd edək ki, II turun oyunları oktyabrın 5-də keçiriləcək. Həmin gün “Qarabağ” “Hakken”in, “Bayer” isə “Molde”nin qonağı olacaq.
Leyla SABİRQIZI
XQ
