Avropa çempionatında iştirak edən qadın voleybolçulardan ibarət millimiz bu gün qrupda son oyununa çıxıb.
Azərbaycan Voleybol Federasiyasından aldığımız məlumata görə, C qrupunda yer alan komandamız İsveçlə qarşılaşıb.
Bu matçda yığmamız 1:3 (17:25, 25:17, 21:25, 18:25) hesabı ilə məğlub olub.
Qeyd edək ki, bunadək 3-cü sırada olan millimiz bu məğlubiyyətdən sonra 5 xalla 5-ci sıraya düşüb. Komandamızın növbəti mərhələyə yüksəlib-yüksəlməyəcəyi bu gün baş tutacaq Çexiya – İsveç qarşılaşmasından sonra bəlli olacaq.
Elçin ABBASOV,
"Xalq qəzeti"
