Ruzanna Məmmədova finalda

post-img

Albaniyanın paytaxtı Tiranada güləş üzrə U-17 Avropa çempionatı davam edir. Bu gün qızlardan ibarət millimizin 2 üzvü xalça üzərinə çıxıb.

Mübarizəyə dörddəbir finaldan qoşulan Səadət Quliyeva (43 kq) sonuncu xal prinsipinə əsasən (3:3) isveçli Maya Yohanssona məğlub olub.

Digər təmsilçimiz Ruzanna Məmmədova (57 kq) isə qitə birinciliyinə inamla start verib. Həmyerlimiz əvvəlcə ispaniyalı Rosa Rodrigesi, daha sonra isə türkiyəli Aslı Köleni “tuş”la üstələyib. Məmmədova yarımfinalda polşalı Suzanna Horbikə 5:1 hesabıyla qalib gələrək 2-ci dəfə Avropa çempionatının finalına yüksəlib. Ruzanna iyunun 15-də finalda macarıstanlı Sofi Ritterlə qarşılaşacaq.

Elçin ABBASOV,
"Xalq qəzeti"

İdman