Bakıda daha bir beynəlxalq turnir başlayır

Bu gün Bakıda budo döyüş növləri üzrə beynəlxalq turnir başlayır. Yarışda Azərbaycanla yanaşı, Türkiyə, Pakistan, İraq, Tacikistan, Qırğızıstan, Özbəkistan və Türkmənistandan 300-dək idmançı medallar uğrunda mübarizə aparacaq.
Yeniyetmə, gənc və böyüklər arasında təşkil olunacaq turnir “fri kontakt”, “full kontakt” və “submission” qaydaları üzrə baş tutacaq.
Bakıda səfərdə olan Dünya Budo Döyüş Növləri Federasiyasının prezidenti Eyup Zafer Gökbilen də turnirdə fəxri qonaq kimi iştirak edəcək.
Yarış mayın 28-də başa çatacaq.