Qazaxıstanın paytaxtı Astanada Şahmat tacı uğrunda keçirilən görüşün qalibi bəlli olub. "Championat.com"un məlumatına görə, Çin qrsossmeysteri Dinq Liren rusiyalı Yan Nepomnyaşşiyə qalib gələrək dünya çempionu olub.
Mənbə yazır ki, Astanada keçirilən görüşdə klassik şahmatda qalib müəyyənləşməyib. İti zəka sahibləri arasında ümumi hesab 7:7 olduğundan sürətli şahmat oynanılıb və dördüncü partiyada Dinq Liren rəqibi təslim olmağa məcbur edib.
Beləliklə, 30 yaşlı çinli qrossmeyster şahmat tarixində 17-ci dünya çempionu olub.
Elçin ABBASOV,
"Xalq qəzeti"
