Qaradağ rayonu ərazisində ekskavator və avtomobillərdən 6 ədəd akkumulyatorun oğurlanması barədə polisə məlumatlar daxil olub.

DİN-in məlumatına görə, Qaradağ RPİ 10-cu Polis Şöbəsi əməkdaşlarının keçirdikləri tədbirlərlə oğurluq əməllərini törətməkdə şübhəli bilinən 33 yaşlı C.Qorçuyev və 31 yaşlı R.Nüsrətli müəyyən olunaraq saxlanılıblar.

Suraxanı RPİ 32-ci Polis Bölməsinin əməkdaşları tərəfindən bir nəfərin bank kartından 600 manat oğurlamaqda şübhəli bilinən, əvvəllər məhkum olunmuş 47 yaşlı İ.Qurbanovun müəyyən olunaraq saxlanılıb.

Nəsimi rayonu ərazisində yerləşən 2 mağazadan 2208 manat dəyərində yaddaş qurğularını oğurlamış əvvəllər məhkum olunmuş 28 yaşlı N.Rzayev 22-ci Polis Şöbəsi əməkdaşlarının keçirdikləri tədbirlərlə saxlanılıb. Bundan başqa, rayon ərazisində bir nəfərə məxsus içərisində pul, kart və sənəd olan pulqabını oğurlamaqda şübhəli bilinən 22 yaşlı E.Səmədov saxlanılıb.

Sabunçu rayonu Ramana qəsəbəsində marketdən 400 manat oğurlamış yeniyetmə 14-cü Polis Şöbəsinın əməkdaşları tərəfindən saxlanılıb. 
Rayon ərazisində evdən 1780 manat pul, təmir aləti və elektrik naqili oğurlamaqda şübhəli bilinən, əvvəllər məhkum olunmuşlar 56 yaşlı A.Cabbarov və 22 yaşlı T.İsmayılov da saxlanılıblar.

Faktlarla bağlı araşdırma aparılır.

P.ƏMİRCANOV
XQ