“ACWA Power” şirkətinin məlumatına görə, Xızı və Abşeron rayonla­rında hazırda tikintisi aparılan “Xızı–Abşeron” külək elektrik stansiyası gələn ilin ortalarında istismara veriləcək. 

Azərbaycanın ilk, Qafqazın isə bu ən böyük külək enerji stansiyası 240 meqa­vatt gücündə olacaq. Stansiya illik 893 geqavatt-saat təmiz enerji istehsal edəcək və karbon emissiyalarını illik 400 min tondan çox azaldacaq. 25 il müddətinə “ti­kinti-sahiblik-istismar” prinsipi ilə fəaliy­yət göstərəcək və Səudiyyə Ərəbistanının “ACWA Power” şirkəti idarə edəcək.

Hazırda Abşeron və Xızı rayonlarında stansiyanın giriş yolları salınır, körpülər ti­kilir, külək turbinlərinin təməlləri qoyulur və parallel olaraq elektrik yarımstansiyasın inşası davam etdirilir. Ümumilikdə, layihə­nin icrasının 2025-ci ilin ortalarına qədər yekunlaşdırılacağı nəzərdə tutulur. 

Xatırladaq ki, “Xızı–Abşeron” layihə­si Azərbaycanın Energetika Nazirliyi ilə Səudiyyə Ərəbistanı Krallığının “ACWA Power” şirkəti arasında külək enerjisi sahəsində əməkdaşlığa dair Anlaşma Me­morandumunun imzalanması ilə həyata vəsiqə qazanıb. Sözügedən sənədə əsasən, 240 meqavatlıq külək qurğusunun tikintisi Səudiyyə Ərəbistanı şirkətinə həvalə olu­nub. Ötən müddətdə layihənin reallaşdı­rılmasına 300 milyon ABŞ dolları ayrılıb. Bu isə Səudiyyə Ərəbistanı şirkətinin öz ölkəsindən kənarda yatırdığı ən böyük in­vestisiyasıdır.