Naxçıvan Muxtar Respublikasında bu ilin 8 ayında istehsal olunan ümumi elektrik enerjisinin 55 faizi alternativ və bərpaolunan enerji mənbələrinin payına düşüb.
Muxtar respublikanın Dövlət Energetika Xidmətinin məlumatına əsasən, hesabat dövründə istehsal olunan ümumi elektrik enerjisinin 45 faizi istilik, 42 faizi su, 13 faizi isə günəş elektrik stansiyalarında istehsal olunaraq elektrik şəbəkələrinə ötürülüb. Ötən ilin müvafiq dövrü ilə müqayisədə alternativ və bərpaolunan enerji mənbələrində istehsal edilən elektrik enerjisinin həcmi 20 faizə yaxın artıb.
