“Azərbaycan Respublikasının 2022–2026-cı illərdə sosial-iqtisadi inkişaf Strategiyası”nda nəzərdə tutulmuş tədbirlərin 2024-cü ilin birinci yarısı üzrə icrasına dair “Yaşıl enerji məkanı” İşçi qrupunun iclası keçirilib.

İclasa sədrlik edən energetika nazirinin müavini Samir Vəliyev çıxışında adıçə­kilən strategiyanın icrası çərçivəsində real­laşdırılan layihələrin “Yaşıl dünya naminə həmrəylik ili” üzrə həyata keçirilən tədbir­lərlə həmahəng təşkil etdiyini vurğulayıb. İşçi qrupun iclaslarının müntəzəm keçiril­məsinin hesabatlılığın səmərəliliyini artır­dığını qeyd edib.

İşçi qrupun sədr müavini, İqtisadi İsla­hatların Təhlili və Kommunikasiya Mərkə­zinin icraçı direktorunun müavini Ramil Hüseyn strategiyanın icrasının 2024-cü ilin ilk yarısı üzrə monitorinq nəticələrinə dair ilkin qiymətləndirmə hesabatını təq­dim edib. 

İclasda qaz və istilik təchizatı sahə­sində dövlət‒özəl tərəfdaşlığının inkişaf etdirilməsi, dənizdə külək enerjisi potensi­alının araşdırılması, bioenerji və geotermal enerjidən istifadə imkanlarının genişləndi­rilməsi, bərpaolunan enerji mənbələri üzrə informasiya sisteminin yaradılması, Elekt­romobillik üzrə Milli Planın hazırlanması, enerji saxlanc sistemlərinin tətbiqi, karbon tutulması, utilizasiyası və saxlanması tex­nologiyalarının tətbiqi və digər istiqamət­lərdə gerçəkləşdirilən layihələr haqqında danışılıb.