İqtisadi İslahatların Təhlili və Kommunikasiya Mərkəzində (İİTKM) “Green Talk” layihəsi çərçivəsində növbəti təlim keçirilib. “İslahat könüllüləri”nin təşəbbüsü ilə İİTKM-in Strateji planlaşdırma şöbəsinin baş məsləhətçisi Yusif Məmmədov ”Davamlı inkişaf və “yaşıl bank”çılıq” mövzusunda təqdimatla çıxıb edib.

Y.Məmmədov gənclərə “yaşıl bank”­çılıq anlayışı, onun əsas prinsipləri və komponentləri, “yaşıl bank”çılığın ekoloji, iqtisadi-sosial faydaları, yeni texnologiya­ların tətbiqi haqqında ətraflı məlumat ve­rib. Həmçinin “yaşıl bank”çılıqla ənənəvi bankçılığın fərqləri və üstünlükləri haqqın­da danışıb.

Təqdimat zamanı Y.Məmmədov tələ­bələrə “yaşıl bank”çılıq sahəsində ABŞ, Almaniya, Çin, Yaponiya və digər ölkələ­rin təcrübələrini bölüşüb və müxtəlif ölkələrin, maliyyə institutlarının enerji səmərəliliyi və “yaşıl bank”çılıq layihələ­rinə olan investisiyalarını təqdim edib. 

Təlimdə Azərbaycanda “yaşıl bank”­çılığın inkişafı, mövcud vəziyyəti və pers­pektivləri ilə bağlı əsas məqamlar da izah olunub. İnteraktiv keçən görüşdə gənclə­rin mövzu ilə bağlı fikirləri dinlənilib, su­alları cavablandırılıb. 

Qeyd edək ki, “Green Talk” layihə­sinin əsas məqsədi “Yaşıl dünya naminə həmrəylik ili” çərçivəsində ölkədə “yaşıl düşüncə”nin formalaşmasına dəstək ol­maqdır.