Ukraynalı uşaqların növbəti qrupu reabilitasiya üçün Azərbaycana aparılıb.
XQ xəbər verir ki, bu barədə Ukrayna Ali Radasının vitse-spikeri Olena Kondratyuk sosial media hesabında paylaşım edib.
Vitse-spiker Ukraynanın müharibədən təsirlənmiş azyaşlı vətəndaşlarına göstərilən xüsusi diqqət və dəstəyə görə Azərbaycana minnətdarlığını ifadə edib:
"29 ukraynalı uşaq psixoloji və sağlamlıq reabilitasiyası üçün Azərbaycana göndərilib. Bu, cari ildə aparılan üçüncü qrupdur. İndiyədək 500-dən çox uşaq reabilitasiya məqsədilə bu ölkədə olub. Müharibədən zərər çəkmiş ukraynalı uşaqlara göstərilən dəstək və diqqətə görə Azərbaycana təşəkkür edirik".
