“Kanadanın 51-ci ştata çevrilməsi” Kanada və ABŞ iqtisadiyyatlarının inteqrasiyası üçün ən yaxşı yoldur. Bu barədə ABŞ-ın ticarət naziri Hovard Lutnik “Fox Business” kanalının proqramlarından birində bildirib.
“The Hill” xəbər verir ki, Lutnik Kanadanın ABŞ-la əməkdaşlıq etməsinin zəruriliyindən danışıb: “Onlar ABŞ-ın 51-ci ştatı olmağın inanılmaz faydalarını düşünməlidirlər”.
ABŞ prezidenti Donald Tramp daha əvvəl dəfələrlə bəyan edib ki, Kanada 51-ci ştat kimi ABŞ-a daxil edilməlidir. Tramp hesab edir ki, kanadalılar da ABŞ-ın bir hissəsi olmaq istəyirlər. Bundan başqa, Ağ Evin rəhbəri dəfələrlə baş nazir Castin Trüdonu Kanada ştatının “qubernatoru” adlandırıb.
P.ƏMİRCANOV
XQ
