Səsvermənin ilkin nəticələrinə görə, Ekvadorda prezident seçkilərinin ikinci turu keçiriləcək.

AZƏRTAC xəbər verir ki, bununla bağlı ölkənin Milli Seçki Şurası məlumat yayıb. Bildirilib ki, hazırkı prezident Daniel Noboa bazar günü keçirilən seçkilərdə əsas rəqibi üzərində gözləniləndən daha yaxın üstünlük əldə edib. Noboa seçicilərin 50,12 faizinin, əsas rəqibi Luisa Qonsales isə 42,21 faizinin dəstəyini qazanıb. Ekvadorda prezident seçkilərinin ikinci turu aprelin 13-də keçiriləcək

Seçki qaydalarına görə, qələbə üçün namizəd mütləq səs çoxluğunu və ya ən azı 40 faiz səs toplamalıdır, lakin bu halda ən yaxın rəqibindən azı 10 faiz çox səs almalıdır. Cənubi Amerika ölkəsində səsvermə məcburidir, lakin yalnız təxminən 85 faiz faktiki olaraq səs verib.

Ekvadorlular, həmçinin milli assambleyanın 151 üzvünü seçiblər. Qonsales partiyası və Noboa'nın Milli Demokratik Fəaliyyət partiyasının ən çox yerləri qazanacağı proqnozlaşdırılır. Lakin rəsmilərin nəticələri bir neçə gün ərzində məlum olacaq.