Türkiyə avqustun 29-da Belçikanın paytaxtı Brüsseldə keçiriləcək Avropa İttifaqı (Aİ) xarici işlər nazirlərinin qeyri-rəsmi toplantısına dəvət olunub. Məlumatı “Anadolu” yayıb.
Xarici İşlər Nazirliyinin mətbuat katibi Öncü Keceli qeyd edib: “Aİ Türkiyəyə dəvət göndərib və bu mərhələdə xarici işlər naziri Hakan Fidanın danışıqlarda iştirak etmək üçün Brüsselə səfəri gözlənilir”.
Mətbuat katibi bu dəvətin müsbət qarşılandığını və “Aİ tərəfindən dialoq axtarışı” kimi qiymətləndirildiyini vurğulayıb: “Ümid edirik ki, bu addım yaxın gələcəkdə Aİ-nin xarici siyasət idarəsinin qərarlarının dəyişdirilməsinə zəmin yaradacaq. Əlaqələrimizi təqdim edən 15 iyul 2019-cu il tarixli İşlər Şurası çıxılmaz vəziyyətdədir. Bu dəvət həm də Aİ-nin regional və qlobal çağırışlar qarşısında Türkiyə ilə Aİ arasında münasibətlərin yaxşılaşdırılması zərurətini dərk etdiyinə işarədir”.
O əlavə edib ki, “münasibətlərdə irəliləyişə nail olmaq üçün Aİ ilə bütün sahələrdə əməkdaşlığımızın və dialoqumuzun daimi və sistemli əsasda qurulması, dayanıqlı və proqnozlaşdırıla bilən şəkildə gücləndirilməsi lazımdır”.
P.ƏMİRCANOV
XQ
