Böyük Britaniya monarxiyası kral mülklərindən və daşınmaz əmlakdan əldə edilən mənfəətin kəskin artması səbəbindən rəsmi vəzifələri yerinə yetirmək üçün əlavə 45 milyon funt sterlinq (58 milyon dollar) alacaq.
Bu barədə BBC xəbər verib. Məlumata görə, bu, altı yeni üzən külək elektrik stansiyası sayəsində mümkün olub. Monarxiyanın səhmlərindən əldə edilən mənfəət 1,1 milyard funt-sterlinqə (1,42 milyard dollar) qədər artıb ki, bu da öz növbəsində, kral ailəsinin cari xərclərini ödəyən suveren qrantı artıracaq.
Rəsmilərin dediyinə görə, qrant 2024-2025-ci illərdə 86,3 milyon funt sterlinqdən (111,4 milyon dollar) 2025-2026-cı illərdə 132 milyon funt-sterlinqə (170 milyon dollar) yüksələcək və Bukingem Sarayının təmirinin son mərhələlərini ödəməyə kömək edəcək.
İllik maliyyə hesabatında kral ailəsinin 15 illik təyyarələri əvəz etmək üçün iki yeni helikopter almaq planları da açıqlanıb.
P.ƏMİRCANOV
XQ
.jpg)
.jpg)
