2017-ci ildən bəri 800-dən çox ulduz səmadan qeyb olub. Üstəlik, bəziləri bir neçə saat ərzində – müşahidələr arasındakı fasilələr zamanı itib.
Elm adamları uzun müddətdir ki, ulduzların enerji şüalandırmadan birbaşa qara dəliklərə çevrilə biləcəyini ehtimal edirdilər, lakin bunun üçün heç bir inandırıcı dəlil yox idi. Buna qara dəlik və mavi nəhənglə bağlı ikili sistemin araşdırılması aydınlıq gətirib.
Kopenhagen Universitetinin astrofizikləri Böyük Magellan Buludunda VFTS 243 sistemini diqqətlə tədqiq ediblər. O, Yerdən 160 min işıq ili uzaqlıqda yerləşir. Sistemdə kütləsi təxminən 10 Günəş ağırlığında olan qara dəlik və 25 günəş kütləsi olan mavi nəhəng var.
Müşahidələr və hesablamalar göstərib ki, qara dəlik başqa bir böyük ulduzun ömrünü başa vurduqdan sonra deformasiyasından yaranır. Bir çox cəhətdən o, işığı əks etdirmir. Beləliklə, tədqiqat müəllifləri qeyd ediblər ki, ulduzun qara dəliyə çevrilməsindən sonra sistemin orbiti, demək olar ki, dəyişməz qalıb.
Onlar iddia edirlər ki, VFTS 243-dəki qara dəlik, çox güman ki, dərhal əmələ gəlib. Proses neytrinolar şəklində enerjinin buraxılması ilə müşayiət olunub. Bununla 7 il ərzində VFTS 243-ün son müşahidələri astronomlara digər ulduz sistemlərində oxşar hallar haqqında yeni faktlar verib.
PÜNHAN
XQ