Pakistanın cənub-qərbində Bəlucistan əyalətinin Lasbela dairəsində avtobusun sürücüsü idarəetməni itirib və maşın yarğana düşüb.
Pakistan mətbuatının yaydığı məlumata görə avtobusun qəzaya uğraması nəticəsində 17 sərnişin həlak olub, daha 16-sı müxtəlif dərəcədə bədən xəsarəti alıb.
Xəstəxanaya yerləşdirilən 16 nəfərin 15-nin vəziyyətinin ağır olduğu bildirilir.
Bəlucistan əyalətinin baş naziri Sarfraz Buqti qəzada ölənlərin ailələrinə başsağlığı verib.
Qulu Kəngərli
XQ-nin xüsusi müxbiri
İslamabad