VTB Ermənistan Bankının (Rusiya VTB-nin törəmə müəssisəsi) nümayəndəsi RBK-ya bildirib ki, 30 mart 2024-cü il tarixindən etibarən Ermənistan banklarının əksəriyyəti Rusiyanın “Mir” ödəniş sistemindən kartların qəbulunu dayandıracaq. Bu məlumatı nəşrə Rusiyanın ödəniş bazarındakı mənbə təsdiqləyib.

“Martın 30-dan etibarən istifadəçilər POS-terminallarda nağdsız ödənişlər edə və respublikanın digər banklarının bankomatlarından nağd pul çıxara bilməyəcəklər. Bu, VTB Ermənistan kartlarının fəaliyyətinə heç bir şəkildə təsir etməyəcək”, - VTB-nin Ermənistandakı törəmə şirkətinin nümayəndəsi RBK-ya bildirib. O, bəyan edib ki, VTB Ermənistan “Mir” kartlarına tam həcmdə xidmət göstərməkdə davam edir.

Fevralın 23-də ABŞ Milli Ödəniş Kartı Sisteminə (NSCP) - "Mir" operatoruna qarşı sanksiyalar tətbiq edib. Şirkət bəyan edib ki, sanksiyalar ölkə daxilində ödəniş xidmətlərinin fəaliyyətinə təsir göstərməyəcək və ödəniş sistemi tərəfində xarici tərəfdaşlarla işləmək üçün heç bir məhdudiyyət yoxdur. NSPK əlavə edib ki, xarici banklar "Mir" kartlarının qəbulu ilə bağlı qərarları özləri qəbul edirlər.

Fevralın 27-də Qazaxıstanın "Freedom Finance" bankı "Mir" kartlarından pul köçürmələrini qadağan edib. Mart ayında əvvəllər "Sberbank"-ın Qazaxıstandakı törəməsi olan Qazaxıstan "Bereke Bankı" da  "Mir" kartları ilə işi dayandırdığını bildirmişdi.

S.ELAY

XQ