Avropa Parlamentinin (AP) deputatları Rusiyanı 1916-1917-ci illərdə saxlanmaq üçün Rusiya imperiyasına verilmiş qızıl və mədəni irs obyektlərini Rumıniyaya qaytarmağa çağıran qətnamə qəbul ediblər. Bu barədə Avropa Parlamentinin mətbuat xidməti xəbər verir.

“Birinci Dünya müharibəsindən sonra bir neçə dəfə diplomatik danışıqlara cəhd edilməsinə baxmayaraq, 1916-1917-ci illərdə saxlanmaq üçün Rusiyaya göndərilən Rumıniyanın milli sərvəti Rusiya tərəfindən geri qaytarılmayıb. Bu, Rumıniya cəmiyyətini daim narahat edən qızıl ehtiyatlarının və irs obyektlərinin misli görünməmiş beynəlxalq mənimsənilməsi hadisəsidir”, - AP-nin press-relizində deyilir.

Qətnamədə Avropa Parlamentinin deputatları Avropa Komissiyasını və Avropa Xarici Fəaliyyət Xidmətini regional kontekst dialoqun bərpasına imkan verən kimi Rumıniya milli irsinin bərpası məsələsini Avropa İttifaqı və Rusiya arasında ikitərəfli diplomatik gündəliyə daxil etməyə çağırıblar. 

1916-1917-ci illərdə Rumıniya Rusiya İmperiyasına saxlanmaq üçün 91,5 ton qızıl göndərib ki, bu da Rumıniya Milli Bankının ehtiyatını, kral zərgərlik kolleksiyalarını və nadir sikkələri, o cümlədən dövlət arxivlərini, sənədləri, qiymətli tarixi bir çox dövlət və özəl qurumların əlyazmaları, rəsmləri, nadir kitabları və kolleksiyaları əhatə edir.

1918-ci ilin əvvəlində Rumıniya qoşunları Rusiya imperiyasının tərkibində olan Bessarabiyanı işğal etmişdilər. Bundan sonra sovet hökuməti Rumıniyanın qızıl və mədəniyyət obyektlərini ələ keçirmişdi. 1935-ci ildə SSRİ ixrac olunmuş arxivlərin bir hissəsini Rumıniyaya, 1956-cı ildə isə rəsm əsərlərini və qədim əşyaları, o cümlədən Petroasa xəzinəsini qaytarmışdı.

S.ELAY

XQ