Avropa ölkələri ABŞ prezident seçkilərində Donald Trampın mümkün qələbəsinə hazırlaşır. Onlar ABŞ olmadan da fəaliyyət göstərə biləcək “NATO əlavəsi” yaratmaq imkanlarını araşdırırlar.

Mənbələrin "The Washington Post"a verdiyi məlumata görə, Avropa rəsmiləri Trampın Rusiya tərəfindən hücuma məruz qalacağı təqdirdə NATO ölkələrini müdafiə etməyəcəyi ilə hədələməsindən sonra Şimali Atlantika Alyansına alternativi müzakirə etməyə başlayıb. Yeni strukturun bütün qitəni əhatə edəcəyi, ABŞ-ın təhlükəsizlik zəmanətləri ilə birgə işləyəcəyi gözlənilir, eyni zamanda, “ABŞ zəmanətləri geri götürülərsə, etibarlı alternativ kimi xidmət edə bilər”.

Qəzet yazır ki, müzakirələr adi mübahisələrə ilişib qalıb. Fransa və Almaniya “hesabları kimin ödəyəcəyi” mövzusunda razılaşa bilmir və Şərqi Avropa Rusiyadan gələn təhdidlərə cavab vermək üçün Qərbi Avropaya etibar etmir. Bundan əlavə, Avropa ölkələrinin özlərini nüvə qalxanı ilə necə təmin edəcəyi də aydın deyil. WP-nin yazdığına görə, uğur qazansalar belə, "ən pis halda, nüvə müharibəsi olacaq ssenaridə Rusiya arsenalından aşağı olacaq".

WP-yə görə, Avropa liderləri və rəsmiləri Donald Tramp və onun müttəfiqləri ilə təhlükəsizlik məsələlərində qarşılıqlı əlaqəyə ehtiyac olduğunu bilirlər, lakin bunu “çox çətinliklə” edirlər. Onlar respublikaçıların “transatlantik əlaqələri təhdid etdiyi” günlərə qayıtmaqdan qorxurlar.

S.ELAY

XQ