Türkiyəli astronavt Alper Gezeravcının da daxil olduğu “Axiom-3” heyəti ilə “Dragon” kosmik gəmisinin Yer kürəsinə qayıdışı Florida sahilindəki əlverişsiz hava şəraiti səbəbindən fevralın 5-nə qədər təxirə salınıb. Bu barədə “SpaceX” şirkətinin X sosial şəbəkəsində yerləşdirilmiş mesajında deyilir. Məluamatı “anadolu” verib.
"Dragon" kosmik gəmisi və Ax-3 ekipajı Florida sahillərində uyğun olmayan hava şəraiti səbəbindən fevralın 5-dək tərk etməyəcək, hesabatda deyilir.
Mütəxəssislər Beynəlxalq Kosmik Stansiyadan (BKS) yola düşmə planları ilə bağlı hava şəraitinin monitorinqini davam etdirəcəklər.
Kosmik gəmi yanvarın 18-də kosmosa uçmuşdu.
P.ƏMİRCANOV
XQ
