Kosmosda fiziki xüsusiyyətləri bir-birindən seçilən maraqlı planetlər var. Hətta rejissorlar bu sahədəki qeyri-adi bilgi və məlumatlardan tez-tez öz elmi-fantastik filmlərində istifadə edirlər.
Məsələn, HD189733b ekzoplanetinin səthinə aramsız olaraq şüşə yağır. Üstəlik burada duz parçalarından ibarət küləklər əsir. Onun sürəti, saatda təxminən, 9 kilometrdir.
Planetin atmosferi dəmir, silikon və alüminium– oksiddən ibarət xırda tozlarla örtülüdür. Bu amil onun atmosferinə mavi çalar verir.
Nüfuzlu “Hubble” rəsədxanasının son məlumatlarına görə, planetin səthində temperatur Selsi ilə 1000 dərəcədən çoxdur. Bu, elm adamlarına bugünədək məlum olan ən isti kosmik obyektdir. Yeri gəlmişkən, planetdə məhz qızmar temperatur səthdən yuxarı qalxan toz hissəciklərini şüşəyə çevirir.
Sonda bildirək ki, sözügedən bu parlaq kosmik obyekt Günəşdən 63 işıq ili uzaqlıqdakı Vulpekula bürcündə yerləşir.
P.ƏFƏNDİ
XQ
