Finlandiya hakimiyyəti 2025-ci ildə məhdud müddətə Rusiyadan mayeləşdirilmiş təbii qazın (LNG) idxalını qadağan etməyi planlaşdırır. Bu barədə Finlandiyanın “Helsingin Sanomat” qəzeti ətraf mühit və iqlim məsələləri üzrə nazir Kay Mykkänenə istinadən məlumat yayıb.

“Hökumət Rusiya LNG-nin Finlandiyaya idxalına qadağa qoymağa hazırlaşır və məqsəd bu qadağanın 2025-ci ildə qüvvəyə minməsidir”, - deyə nazir bildirib. O vurğulayıb ki, Rusiyadan LNG tədarükünün həcmi kiçikdir, ona görə də “bu məsələ əhəmiyyətli deyil”.

Dekabrda Aİ Şurası və Avropa Parlamenti Rusiya qaz tədarükçüləri üçün genişmiqyaslı məhdudiyyətlər barədə ilkin razılığa gəliblər. Məhdudiyyətlərin yazda qüvvəyə minəcəyi gözlənilir, bundan sonra Finlandiya Rusiyanın LNG-ni qadağan etmək təklifini təqdim edəcək.

Nazirin sözlərinə görə, Aİ tərəfindən məhdudiyyətlərin tətbiqi Rusiya yanacağının idxalına qadağa qoymağı asanlaşdıracaq və onun hüquqi etibarlılığını artıracaq. Bununla belə, Finlandiya hökuməti Avropa Komissiyası ilə məsləhətləşməlidir və yalnız məhdud müddətə idxal qadağası tətbiq edə bilər.

Finlandiyanın dövlət enerji şirkəti "Gasum" Aİ sanksiyalarına məruz qalmayan uzunmüddətli müqavilə çərçivəsində Rusiyadan minimum miqdarda LNG almağa davam edir. Müqavilənin şərtlərinə görə, Finlandiya şirkəti "Qazum"un qazı alıb-almamasından asılı olmayaraq, hər il "Qazprom"a müəyyən miqdarda qaz ödəməyə borcludur. “Şirkət bu həcmi satın almamaq qərarına gəlsəydi, yenə də müqaviləyə əsasən qazın haqqını ödəməli olacaq”, - şirkətin saytında deyilir.

S.ELAY

XQ