“Casa Mila” tikilisi 1906-1910-cu illərdə memar Antoni Gaudi tərəfindən Barselonada tikilmişdir. Qəribəsi odur ki, binanın inşasına başlanan zaman Barselona əhalisinin yeni tikiləcək bina haqqında fikirləri o qədər də ürəkaçan deyildi. Lakin illər keçdi və “Casa Mila” Barselonanın fəxrinə, qürur məkanına çevrildi.
Tikilinin dizaynı öz dövrünə görə yeniliklərlə dolu idi. Bina daşıyıcı və dayaq divarları olmayan, sadəcə, daşıyıcı sütunları olan dəmir-beton konstruksiyası üzərində hazırlanıb.
Gaudi ilə digər, layihələrdə də əməkdaşlıq etmiş Josep-Maria Jujolun unikal dəmir məhəccərli eyvanlar improvizasiyasının nəticəsidir ki, sənət nümunəsinin özünəməxsus görünüşü var.
Binanın altıncı mərtəbəsindəki mənzil XX əsrin 20-ci illərinin üslubunda bəzədilib. Onun çardaq döşəməsi ilə dam eyvanı birlikdə ekskursiyalar zamanı ziyarətçilərə nümayiş olunur. Qalan digər mərtəbələr ofislər tərəfindən tutulub.
1984-cü ildə UNESCO-nun Dünya İrsi Siyahısına daxil edilən abidə 20-ci əsrin binaları siyahısında birinci olub.
Leyla HADİ,
tələbə-jurnalist
