Avstraliyalı sörfçü boynuna piton dolayaraq dalğalara baş vurub. Lakin bu hərəkəti Avstraliya sakinləri arasında böyük səs-küyə səbəb olub. İnsanlar buna görə polisə müraciət ediblər.
Hökumətin səlahiyyətli nümayəndəsi bu məsələyə münasibət bildirərək deyib:
– Təhlükəli heyvanları ictimai yerə çıxarmaq və ya nümayiş etdirmək üçün ayrıca icazə tələb olunmalıdır. Həmin şəxsin bu hərəkəti yolverilməzdir. Buna görə lazımi cəza tədbirləri görüləcək.
Qeyd edək ki, ilanlar soyuqqanlı heyvanlardır və üzə bilsələr də, çox vaxt sudan qaçırlar. Xalça pitonları isə okeanda olan yeganə dəniz ilanlarıdır.
Düzdür, xalça pitonları zəhərsiz ilanlardır. Onların uzunluğu 3 metrə qədərdir. Amma çox təhlükəlidirlər, belə ki, ovladıqları canlıların bədənlərinə sarılaraq boğulana qədər sıxırlar.
S.FİDAN
XQ
