Türkiyənin şimalında Bartın vilayətinin Amasra rayonunda yerləşən qədim Amastris şəhərində aparılan qazıntılar zamanı “Su pərisi” heykəli aşkarlanıb.
Təxminən, 1800 il əvvəl hazırlandığı güman edilən bu qədim su pərisi heykəli yerdən, təxminən, 3 metr dərinlikdə aşkar edilib. 1,53 metrlik heykəlin eramızın ikinci əsrinə aid edildiyi bildirilir.
Bu füsunkar heykəl Amasra Muzeyində nümayiş etdirilir. Dünyanın bir çox yerlərində – Afinadakı Milli Arxeologiya Muzeyi, Nyu-Yorkdakı Metropolitan İncəsənət Muzeyi və bir çox digər nüfuzlu mədəniyyət müəssisələrdə “Su pərisi”, heykəllərinə rast gəlmək olar.
Bu artefaktlar təkcə keçmişə açılan pəncərə deyil, həm də insan təxəyyülündə onların mistik cazibəsini bir daha sübut edir.
F. SALMANOVA
XQ
.jpg)
