Misir əsilli milyarder Məhəmməd Əl-Fayed 94 yaşında dünyasını dəyişib. İş adamının qohumları onun avqustun 30-da “qocalıqdan dinc şəkildə dünyasını dəyişdiyini” bildiriblər. Dəfn mərasimi sentyabrın 1-də Londonun Mərkəzi Məscidində baş tutub.
Məhəmməd Əl-Fayed Britaniya kralı III Çarlzdan (o zaman Şahzadə Çarlz) boşandıqdan sonra şahzadə Diana ilə görüşən oğlu, kinoprodüser Dodi Əl-Fayedin ölümünün 26-cı ildönümündə vəfat edib.
Xatırladaq ki, Doddi və Diana 31 avqust 1997-ci ildə Parisdə qəzada ölüblər. Onların ölümündən sonra Məhəmməd Əl-Fayed avtomobil qəzasının Britaniya kəşfiyyat orqanları tərəfindən təşkil edildiyini iddia edib və bununla bağlı uzun bir kampaniya aparıb. Lakin Fransa polisi belə qənaətə gəlib ki, qəza sürücünün qanında spirtin çox olması və onun sürət həddini aşması səbəbindən baş verib.
Əl-Fayed 1929-cu ildə İsgəndəriyyədə anadan olub. 1960-cı illərdə Londona köçdükdən sonra Al-Fayed Britaniya kral ailəsinin üzvləri ilə yaxınlaşıb. Parisdəki “Ritz Hotel”in və Britaniyanın ən böyük univermaqlarından biri olan “Harrods”un sahibi olub.
XQ
