Dünya Universitetlərinin Webometrics reytinqinin (Webometrics Ranking of World Universities) 2023-cü il nəticələrinə əsasən, UNEC dünya universitetlərinin 10 faizliyində yer alaraq, ölkə üzrə ilk dəfə birinci yerə yüksəldi.
Dünyanın 32 minə yaxın universitetlərinin reytinqini hazırlayan Webometrics-də UNEC son illərdə 15 min universiteti geridə buraxmış və hazırda inamla irəliləməkdədir. 2023-cü ilin birinci reytinq cədvəlində 3644-cü pillədə Azərbaycan üzrə ikinci yeri tutan UNEC, 6 aydan sonra 3196-cı pilləyə yüksələrək, ölkədə birinci oldu.
Qeyd edək ki, QS Dünya Universitetləri reytinqində də (QS World University Rankings) UNEC ölkə birincisi olmuşdu.
Səadət RZAYEVA, “Xalq qəzeti”