Fransa Senatı sosial mediada zorakılığın qarşısının alınması üçün yeni qanun layihəsi qəbul edib. Belə ki, 15 yaşından kiçik istifadəçilərin sosial media platformalarından istifadəsi üçün valideynlərinin icazəsi tələb ediləcək. Xəbəri “cnn.com” saytı verib.
Yeni qanun layihəsinə görə, platformalar istifadəçilərin yaşını və yetkinlik yaşına çatmayanların valideynlərindən razılıq alıb-almadığını yoxlamaq üçün sistemdən istifadə etməlidirlər. Həmçinin valideynlər 15 yaşdan kiçik uşaqlarının sosial media hesablarının dayandırılmasını tələb edə biləcəklər.
Qeyd edək ki, qanun layihəsi çərçivəsində sosial media və onlayn platformalar elektron məzmunla bağlı hüquqi müraciətlərə 10 gün ərzində cavab verməlidirlər. Qaydalara əməl etməyən platformalar ciddi şəkildə cərimələnəcəklər.
Əfsanə ƏHƏDLİ, “Xalq qəzeti”