Reddit istifadəçilərinin mediaya verdikləri məlumatda deyilir ki, watchOS 9,5 yenilənməsindən sonra onların “Apple Watch” smart saatlarının ekranlarında yaşıl rəngli kölgə əmələ gəlib. İstifadəçilər qeyd ediblər ki, bu problemə yalnız bəzi “Apple Watch” modellərində rast gəlinir.
Söhbət, Watch Series 8 və ondan daha əvvəlki modellərdən gedir. Watch SE və Watch Ultra modelləri arasında sözügedən problemə çox nadir hallarda rast gəlinir. Bildirilib ki, bu problemin yaşandığı “Apple Watch” modellərində ekranlar şifrənin daxil edilməsi, idarəetmə mərkəzinə keçid və bildirişlərin deaktiv edilməsi zamanı yaşıl rəngli kölgə ilə əhatə olunurlar.
Apple bu barədə hələ rəsmi bir məlumat verməyib. Qeyd etmək lazımdır ki, buna bənzər problem öncə iPhone-larda da yaşanmışdı və səbəbi proqram təminatında idi.