Bakı Slavyan Universitetinin (BSU) Kitabxana Resurs İnformasiya Kompleksində universitetin rəqəmsallaşma və beynəlmiləlləşmə strategiyaları üzrə fəaliyyətlərə dair müzakirə keçirilib.
BSU-nun mətbuat xidmətindən XQ-yə verilən məlumata görə, “Rəqəmsal BSU” layihəsi çərçivəsində müəllim və tələbə modullarının pilot tətbiqinin uğurlu nəticələri nəzərə alınaraq, onların digər fakültələrdə də tətbiqi qərara alınıb.
Görüşdə BSU-nun beynəlxalq layihələrdə iştirakı, qlobal reytinqlərdə mövqeyi və beynəlmiləlləşmə siyasətinin inkişaf perspektivləri də təhlil edilib.
Rizvan FİKRƏTOĞLU
XQ
