Bugünlərdə “YAŞAT” Fondunun təşkilatçılığı, “Nar” mobil rabitə şirkətinin hamiliyi ilə Naxçıvanda yay düşərgəsi açılıb.

Layihə Azərbaycanın milli aviadaşıyı­cısı “Azərbaycan Hava Yolları”nın, Naxçı­van Muxtar Respublikasında Azərbaycan Respublikası Prezidentinin Səlahiyyətli Nümayəndəliyinin, Türkiyə Respubli­kasının Gənclik və İdman Nazirliyinin, Naxçıvan Muxtar Respublikası Həmkarlar İttifaqları Şurasının tərəfdaşlığı ilə ger­çəkləşdirilib. Açılış mərasimində Naxçı­van Muxtar Respublikasında Azərbaycan Respublikası Prezidentinin səlahiyyətli nümayəndəsi Fuad Nəcəfli və “YAŞAT” Fondunun rəhbəri, Qarabağ qazisi Elvin Hüseynov iştirak ediblər.

Çıxışlarda bildirilib ki, “YAŞAT” Fon­du Azərbaycan ilə Türkiyə arasında bü­tün sahələr üzrə əməkdaşlığın, dostluğun və qardaşlığın bariz nümunəsi kimi belə layihələrin davamlı həyata keçirilməsini nəzərdə tutur. İndiki layihə Azərbaycan–Türkiyə sahə əməkdaşlığının sistemləş­dirilməsi və dərinləşdirilməsinə dair fəa­liyyət istiqamətləri və iki ölkə arasında əməkdaşlığa dair qəbul edilmiş fəaliyyət planına əsasən icra olunur. 

Düşərgədə 15-17 yaşlarında 50 tür­kiyəli və azərbaycanlı şəhid övladı 4 gün Naxçıvan Muxtar Respublikasında bir ara­ya gəlib. Proqram müddətində iştirakçılar müxtəlif ekskursiya və gəzintilərdə iştirak edəcəklər.

Səbuhi HƏSƏNOV
XQ

Naxçıvan