Balakən Rayon İcra Hakimiyyətinin dəstəyi ilə şəhər Uşaq İncəsənət Məktəbində “Azərbaycan Respublikası Mədəniyyət Nazirliyinin tabeliyindəki musiqi, incəsənət, rəssamlıq, muğam, aşıq məktəb və mərkəzlərinə təhsilalanların qəbulu Qaydaları” haqqında Əmrə əsasən şagird qəbulu ilə əlaqədar təbliğat-təşviqat işləri məqsədilə görüş keçirilib.
Görüşdə rayon rəhbəri İslam Rzayev, təhsil sektorunun əməkdaşları, məktəb rəhbərləri, təhsil işçiləri iştirak ediblər. Uşaq İncəsənət Məktəbinin direktoru Arifə Tağıyeva çıxış edərək, ictimaiyyəti 2024–2025-ci tədris ili üçün 1-ci sinfə qəbul qaydalarında olan yeniliklər haqqında məlumatla tanış edib.
Tədbir geniş konsert proqramı ilə davam edib, məktəblilərin çıxışları tamaşaçılar tərəfindən hərarətlə qarşılanıb.
İ.HƏSƏNOV,
“XQ”-nin bölgə müxbiri
