Son elmi araşdırmalar moruğun müxtəlif orqan və sistemlər üçün olan faydalarını növbəti dəfə təsdiqləyib. Moruğun tərkibində olan və ona spesifik, xoş qoxu verən maddə – “moruq ketonu” qaraciyər üçün faydalıdır, piylərin parçalanmasını, saçların uzanmasını sürətləndirir, dərini cavanlaşdırır.
Moruq ketonu qaraciyərin böyüməsinin qarşısını alır, qanda şəkərin səviyyəsini və qanaxma riskini azaldır. Həmçinin moruq ürəyin sağlamlığı və normal fəaliyyəti üçün vacib olan kaliumla zəngindir. Tərkibindəki bol C vitamini damarların elastikliyini qoruyur, onları möhkəmləndirir, trombların əmələgəlmə riskini azaldır. Giləmeyvənin tərkibində mis, dəmir, fol turşusu çox olduğundan qanazlığından əziyyət çəkənlərə kömək edir. Antosian maddələri ilə zəngin olan moruq görmə üçün də faydalıdır.
Z.HÜSEYNLİ
XQ
