Uşaqlar meyvə şirələrini çox sevirlər, amma valideynlər onlara gün ərzində nə qədər şirə verəcəyini bilmir. Bəziləri, hətta zərərli olacağını düşünüb şirəni qadağan edir.
Pediatrların fikrincə, uşaqlara şirə qəbulu normasını gözləməsək, onlarda bağırsaq pozulması baş verə bilər.
Şirələrdə kalori az deyil. Çox şirə içən uşaqlarda aşırı piylənmə də yaranır. Ona görə hazır şirə alarkən tərkibində konservant, yüksək şəkər olanları seçməyin.
Körpələrə 6 ayından şirə vermək olar. Şirənin miqdarını hesablamaq çox sadədir. Uşağın yaşındakı ayların sayını 10-a vurmaq lazımdır. Yəni, 6 aylıq uşağa 60 ml, 7 aylığa 70 ml, 1 yaşlı uşağa 100 ml sutkalıq şirə normasıdır. 1–3 yaş arası uşaqlar 100–120 ml, 3–5 yaş arası 150–200 ml arası şirə ilə bilər.
Amma 6 yaşdan 10 yaşa qədər uşaqlara da gündə 200 ml miqdarı aşmaq olmaz.
Z.HÜSEYNLİ, “Xalq qəzeti”
